مايملي عيون الحسود بهالزمن غير التراب

إي بالله أخطوا والخطا اللي جابهم عين الصواب
مبطي وأنا أشوف الطمع يكشف زادهم iiوأستره

مايملي عيون الحسود بهالزمن غير التراب
ومن لايتوب من الخطا تحرم عليه المعذره

اللي من أولها خراب أكيد بتاليها خراب
والبندق اللي ماتثور في هدفها تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره

مشكلتي إني ماعرفت أحسب لصدتهم iiحساب
قلطتهم صدري على ذكرى قصيد وحنجره

صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره

مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره

كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره

لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره

والله ماحطيت بين الحقدوالخوه حجاب
حتى غدوا ربعي يحدوني على الضيق أشكره

البارحه ثارت علي رقاب وأوتني رقاب
البارحه ياثقل دم البارح ويامحقره

أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره

أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره

لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره

الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره

من يفتح لفرقاي باب أفك له عشرين باب
وأذا خويي مايقدر خوتي ما أقدره

عو ّدت نفسي كل ماشددت لليمّه ركاب
مأصد وجهي عن طموح إلا لياجبت خبره

أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره

شفهم لهم حول السنه ولا خذوا مني جواب
أحسن دوا للي يحاول يستفزك تحقره

ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره

شفني جمعت أوراقهم بكتاب وأغلقت الكتاب
ياوقت لم اللي تلمهوأنثر اللي تنثره

اللي يخاف من الظما يترك لنا طرد السراب
واللي ماهو بقد الظلام ووحشته iiلايسهره

عقب أكتئاب البارحه ماعاد انا حمل iiإكتئاب
الطيب جرجرني وانا ماني بناقص iiجرجره

انا تجرعت الظما لين أحترق وجهي iiوذاب ii
انا كسرت بخاطري قبل الصداقه iiتكسره

انا خسرت اللي غيابه غير عن كل iiالغياب ii
انا غفرت لعلام ٍ ماتستحق iiالمغفره

انا أكثر (أنسان) تعلم من كثر ماأخطأ iiوصاب ii
انا أخر (لسان) يتكلم في زمان iiالثرثره

انا القصيد اللي فزع من دفتره مليون ناب ii
وانا الوحيد اللي جمع مليون ناب iiبدفتره

جفني وجرّحه السهر ، حيلي وهدّته iiالصعاب ii
دمعي هدر،ضحكي ندر،عمري وضيعت iiأكثره

شيب بعقول العرب..هيبت روس ٍ iiماتهاب ii
جمهرت ناس ٍ عمرهم مايعرفون iiالجمهره

ماصرت ذيب إلا لأن اللي تحدوني iiذياب ii
ما كنت أغيب إلا لأن العفو عند iiالمقدره

ترى حلاتك لاحملت لصاحبك كلمة عتاب ii
أن مانطقت بها بوجهه ماتذمه بظهره

في هالزمن مايملي عيون الحسود إلا iiالتراب ii
والا الحظيظ.. الطلقه اللي ماتصيبه iiتذعره

ودك اليامن جاتك الغلطه من الناس القراب ii
الصاحب اللي ماكسبت محبته iiماتخسره


قصيدة من قصائد الشاعر // حامد زيد ..,


ملاحظة:

القصيدة لها اثرها في نفسي لاني صدمت في الصاحب والصديق واكتشفت انهم اقرب للعدوا من الصداقه

والله المستعان عليهم00

شكراا




وتقبلي مروري